بیرسٹر گوہر کی مولانا فضل الرحمان سے ملاقات؛ وزیراعظم سے گفتگو اور خیبر پختونخوا صورتحال پر تبادلہ خیال

پاکستان تحریک انصاف (پی ٹی آئی) کے چیئرمین بیرسٹر گوہر خان نے جمعیت علمائے اسلام (ف) کے سربراہ مولانا فضل الرحمان کی رہائش گاہ پہنچ کر ان سے اہم ملاقات کی ہے۔ ذرائع کے مطابق ملاقات کے دوران مولانا فضل الرحمان نے بیرسٹر گوہر کو وزیراعظم شہباز شریف کے ساتھ ہونے والی حالیہ ملاقات کی تفصیلات سے آگاہ کیا اور خیبر پختونخوا کی امن و امان کی صورتحال سے متعلق حکومتی موقف و مجوزہ اقدامات سے متعلق آگاہ کیا۔ تحریک انصاف کی قیادت اور مولانا فضل الرحمان کے درمیان اس اہم ملاقات میں کے پی کے بحران کے تناظر میں سیاسی مشاورت جاری ہے، تاکہ درپیش چیلنجز کا حل باہمی گفتگو اور سیاسی حکمت عملی سے نکالا جا سکے۔