سعودیہ اور خلیجی ممالک میں کشیدگی، ملک بھر کے ایئرپورٹس پر فلائٹ آپریشن متاثر

سعودی عرب اور خلیجی خطے میں جاری کشیدگی کے باعث لاہور سمیت ملک بھر کے ایئرپورٹس پر فضائی آپریشن شدہد متاثر ہوا ہے، جس کے نتیجے میں متعدد بین الاقوامی پروازیں منسوخ اور تاخیر کا شکار ہو گئی ہیں۔ پاکستان ایئرپورٹس اتھارٹی (PAA) کے مطابق سعودی عرب اور خلیجی شہروں کی پروازیں متاثر ہونے سے مسافروں کو شدید مشکلات کا سامنا ہے، جس کے پیش نظر لاہور سمیت تمام بڑے ایئرپورٹس پر خصوصی ‘مسافر سہولت کاؤنٹرز’ قائم کر دیے گئے ہیں۔ حکام نے تمام ایئرلائنز کو ہدایت کی ہے کہ وہ ان کاؤنٹرز پر اپنے نمائندے تعینات رکھیں تاکہ مسافروں کو پروازوں کی تازہ ترین صورتحال اور متبادل اوقات سے بروقت آگاہ کیا جا سکے۔ ایئرپورٹس اتھارٹی نے شہریوں کو ایئرپورٹ روانہ ہونے سے قبل اپنی متعلقہ ایئرلائنز سے پروازوں کی تصدیق کرنے کی ہدایت کی ہے۔