پاک سری لنکا پہلا ٹی ٹوئنٹی: صاحبزادہ فرحان کی شاندار اننگز، پاکستان نے سری لنکا کو چار وکٹوں سے شکست دے دی

پاکستان نے پہلے ٹی ٹوئنٹی میچ میں سری لنکا کو 4 وکٹوں سے شکست دے کر تین میچوں کی سیریز میں صفر کے مقابلے میں ایک برتری حاصل کر لی ہے۔ سری لنکا نے پہلے بیٹنگ کرتے ہوئے مقررہ 20 اوورز میں 8 وکٹوں کے نقصان پر 182 رنز بنائے، جس میں لاہیرو اودارا کے 91 رنز نمایاں رہے۔ پاکستان کی جانب سے نسیم شاہ نے تین اور محمد عمران نے دو کھلاڑیوں کو آؤٹ کیا۔ ہدف کے تعاقب میں قومی ٹیم نے 183 رنز کا ہدف 19ویں اوور میں 6 وکٹوں کے نقصان پر پورا کر لیا۔ کپتان صاحبزادہ فرحان نے 4 چھکو اور 10 چوکوں کی مدد سے 89 رنز کی شاندار اننگز کھیلی جبکہ معاذ صداقت نے 50 اور فخر زمان نے 21 رنز بنائے۔ سیریز کا دوسرا ٹی ٹوئنٹی میچ 11 اکتوبر کو کھیلا جائے گا۔