عالمی اور مقامی مارکیٹس میں سونے کی قیمت میں بڑا اضافہ

پاکستان اور عالمی صرافہ مارکیٹ میں سونے کی قیمتوں میں کمی کے بعد اب مسلسل دوسرے روز بھی نمایاں اضافہ ریکارڈ کیا گیا ہے۔ آل پاکستان صرافہ جیمز اینڈ جیولرز ایسوسی ایشن کے مطابق ملک میں فی تولہ سونا 5,900 روپے کے اضافے کے بعد 4 لاکھ 40 ہزار 936 روپے کا ہو گیا ہے، جبکہ 10 گرام سونا 5,058 روپے مہنگا ہو کر 3 لاکھ 78 ہزار 31 روپے کی سطح پر پہنچ گیا ہے۔ دوسری جانب عالمی صرافہ بازار میں بھی سونے کے نرخوں میں تیزی دیکھی گئی جہاں فی اونس سونا 59 ڈالر کے اضافے کے بعد 4,184 ڈالر فی اونس ہو گیا ہے۔