پاکستان سٹاک ایکسچینج میں ٹریڈنگ کا مثبت زون میں آغاز

پاکستان سٹاک مارکیٹ میں کاروباری ہفتے کے پانچویں اور آخری روز کاروبار کے آغاز پر زبردست تیزی دیکھنے میں آئی ہے، جس کے نتیجے میں بینچ مارک انڈیکس ایک لاکھ 68 ہزار پوائنٹس کی حد پر بحال ہو گیا ہے۔ ٹریڈنگ کے دوران 600 سے زائد پوائنٹس کے نمایاں اضافے کے ساتھ پاکستان سٹاک ایکسچینج میں انڈیکس ایک لاکھ 68 ہزار 134 پوائنٹس کی سطح پر پہنچ گیا۔ واضح رہے کہ گزشتہ کاروباری دن کے اختتام پر سٹاک مارکیٹ کا انڈیکس ایک لاکھ 67 ہزار 441 پوائنٹس کی سطح پر بند ہوا تھا، اور آج کے روز کاروباری سرگرمیوں میں مثبت رجحان برقرار ہے۔