زرمبادلہ ذخائر میں ایک کروڑ 50 لاکھ ڈالر کا اضافہ ریکارڈ

اسٹیٹ بینک آف پاکستان (SBP) کے جاری کردہ تازہ ترین اعداد و شمار کے مطابق مرکزی بینک کے زرمبادلہ کے ذخائر میں 1 کروڑ 50 لاکھ ڈالر کا مثبت اضافہ ریکارڈ کیا گیا ہے۔ اس اضافے کے بعد اسٹیٹ بینک کے پاس موجود مائع زرمبادلہ کے ذخائر 21 ارب 45 کروڑ 37 لاکھ ڈالر کی سطح پر پہنچ گئے ہیں۔

مرکزی بینک کی رپورٹ کے مطابق کمرشل بینکوں کے پاس موجود زرمبادلہ کے ذخائر 5 ارب 34 کروڑ 37 لاکھ ڈالر رہے، جس کے بعد ملک کے مجموعی مائع زرمبادلہ کے ذخائر بڑھ کر 26 ارب 79 کروڑ 74 لاکھ ڈالر کی بلند سطح پر پہنچ گئے ہیں۔ زرمبادلہ کے ذخائر میں یہ مسلسل بہتری ملک میں معاشی استحکام اور روپے کی قدر کو سہارا دینے میں اہم کردار ادا کر رہی ہے۔