چیف جسٹس پاکستان کی بار نمائندگان سے مشاورتی نشست، ڈیجیٹل عدالتی اصلاحات پر بریفنگ

چیف جسٹس آف پاکستان جسٹس یحییٰ آفریدی نے سپریم کورٹ بار ایسوسی ایشن کا دورہ کیا اور بار نمائندگان کے ساتھ ایک اہم مشاورتی نشست میں شرکت کی۔ اس موقع پر عدالتی اصلاحات، ڈیجیٹل جدت اور کیس مینجمنٹ کے امور پر تفصیلی تبادلہ خیال کیا گیا، جبکہ سپریم کورٹ انتظامیہ نے مصنوعی ذہانت پر مبنی نئے ‘اسمارٹ جوڈیشل اسسٹنٹ’ کا عملی مظاهرہ بھی پیش کیا۔ یہ نیا ڈیجیٹل پلیٹ فارم (https://sja.scp.gov.pk/) وکلاء اور سائلین کو عدالتی معلومات، کاز لسٹس، ججز کے روسٹرز اور مقدمات کی صورتحال تک 24 گھنٹے آسان رسائی فراہم کرے گا۔ چیف جسٹس نے جیل پٹیشنز اور جلد سماعت کی درخواستوں کے حوالے سے بار کے تحفظات پر روشنی ڈالتے ہوئے کہا کہ شفافیت اور یکسانیت کو یقینی بنانا اولین ترجیح ہے، اور بینچ و بار کا باہمی تعاون ہی بروقت انصاف کی ضمانت ہے۔