بچوں کے خون سے سودا کرنے والوں سے کیا مذاکرات کریں: دانیال چودھری

وفاقی پارلیمانی سیکرٹری برائے اطلاعات و نشریات بیرسٹر دانیال چودھری نے راولپنڈی پریس کلب میں پریس کانفرنس کرتے ہوئے سخت ردعمل کا اظہار کیا ہے کہ خیبرپختونخوا کا وزیراعلیٰ مبینہ طور پر دہشت گردوں کی حمایت کر رہا ہے اور بچوں کے خون سے سودا کرنے والوں کے ساتھ کوئی مذاکرات نہیں ہو سکتے۔ انہوں نے کہا کہ صوبے میں دہشت گردی کی لہر عروج پر ہے اور پولیس اہلکاروں اور کسٹم عملے کی شہادتوں کے باوجود صوبائی قیادت لانگ مارچ اور جلس جلوسوں میں مصروف ہے۔ بیرسٹر دانیال نے سوال اٹھایا کہ ڈی آئی خان میں شہید ہونے والوں کے جنازوں میں شرکت کا وقت نہ رکھنے والی کابینہ کو عوام کے جان و مال کی کوئی پروا نہیں ہے۔ انہوں نے مزید کہا کہ جو جماعتیں دہشت گردوں کو کھل کر دہشت گرد کہنے سے گتراتی ہیں یا ان کی پشت پناہی کرتی ہیں، وہ دراصل اسی ایجنڈے کا حصہ اور ان کی بی ٹیم ہیں۔