پاکستان اور سری لنکا کے مابین ٹی 20 سیریز کی دلکش ٹرافی کی رونمائی کر دی گئی

اکستان اور سری لنکا کے مابین جمعرات سے شروع ہونے والی تین ٹی 20 انٹرنیشنل میچوں کی سیریز کی ٹرافی کی باضابطہ رونمائی کر دی گئی ہے۔ راولپنڈی کرکٹ اسٹیڈیم میں منعقدہ پروقار تقریبِ رونمائی میں قومی ٹیم کے نو منتخب کپتان صاحبزادہ فرحان اور سری لنکن ٹیم کے قائد کوشل مینڈس نے شرکت کی اور چمکتی ہوئی سیریز ٹرافی کی نقاب کشائی کی۔

ٹرافی کی رونمائی کے بعد دونوں کپتانوں نے فوٹو سیشن میں حصہ لیا اور میڈیا سے گفتگو کرتے ہوئے سیریز میں شاندار کرکٹ کھیلنے اور ٹرافی اپنے نام کرنے کے عزم کا اظہار کیا۔ پاکستان اور سری لنکا کے درمیان سیریز کا پہلا ٹی 20 میچ راولپنڈی میں کھیلا جائے گا، جس کے لیے دونوں ٹیموں نے بھرپور مشقیں مکمل کر لی ہیں۔