پٹرول کی قیمت میں 1.19 روپے اضافہ، ہائی اسپیڈ ڈیزل 1.91 روپے فی لیٹر سستا

حکومتِ پاکستان نے پٹرولیم مصنوعات کی نئی قیمتوں کا اعلان کر دیا ہے۔ وزارتِ خزانہ کی جانب سے جاری کردہ نوٹیفکیشن کے مطابق پٹرول کی قیمت میں 1 روپے 19 پیسے فی لیٹر اضافہ کیا گیا ہے، جس کے بعد پٹرول کی نئی قیمت 394 روپے 83 پیسے فی لیٹر مقرر ہو گئی ہے۔ دوسری جانب ہائی اسپیڈ ڈیزل کی قیمت میں شہریوں کو معمولی ریلیف دیتے ہوئے 1 روپے 91 پیسے فی لیٹر کمی کی گئی ہے، جس کے بعد ڈیزل کی نئی قیمت 395 روپے 85 پیسے فی لیٹر ہو گئی ہے۔

حکومتی اعلامیے کے مطابق پٹرولیم مصنوعات کی قیمتوں میں یہ ردوبدل عالمی منڈی میں خام تیل کی قیمتوں میں ہونے والی تبدیلیوں، پلاٹس ریٹس، ایکسچینج ریٹ، پریمیم اور دیگر متعلقہ اخراجات کا باریک بینی سے جائزہ لینے کے بعد کیا گیا ہے۔ نئی قیمتوں کا اطلاق فوری طور پر نافذ العمل کر دیا گیا ہے۔