اپوزیشن کمیٹی کے ساتھ اچھا معاہدہ تیار ہوا، سہیل آفریدی نے سبوتاژ کر دیا: محسن نقوی

وفاقی وزیر داخلہ محسن نقوی نے لاہور میں پریس کانفرنس کرتے ہوئے انکشاف کیا ہے کہ اپوزیشن کی مذاکراتی کمیٹی نے خلوصِ نیت کے ساتھ بات چیت کی تھی اور ایک بہترین معاہدہ بھی طے پا گیا تھا، جسے صدرِ مملکت اور وزیراعظم کے سامنے بھی پیش کیا گیا۔ تاہم، بدقسمتی سے خیبرپختونخوا کے وزیراعلیٰ سہیل آفریدی نے آخری مرحلے میں انکار کر کے تمام مذاکرات کو سبوتاژ کر دیا۔ محسن نقوی کا کہنا تھا کہ اگر تمام فیصلے صرف سہیل آفریدی نے ہی کرنے تھے تو پھر انہیں خود باقاعدہ مذاکرات میں شریک ہونا چاہیے تھا۔