وزیراعظم کی محسن نقوی سے ملاقات، خیبرپختونخوا میں امن و امان کیلئے سخت فیصلوں پر غور

وزیراعظم شہباز شریف نے وفاقی وزیر داخلہ محسن نقوی کی رہائش گاہ پر ایک اہم ملاقات کی ہے، جس میں ملک کی مجموعی سیاسی اور خیبرپختونخوا کی سکیورٹی صورتحال پر تفصیلی غور کیا گیا۔ وزیر داخلہ نے وزیراعظم کو خیبرپختونخوا حکومت کے ساتھ ہونے والے مذاکرات سے آگاہ کرتے ہوئے بتایا کہ صوبائی حکومت نے انسدادِ دہشت گردی کے تحریری معاہدے اور 72 گھنٹوں میں عملدرآمد کے پلان پر رضامندی کے بعد آخری مرحلے میں یوٹرن لے لیا۔ ملاقات کے دوران وزیراعظم نے واضح کیا کہ امن و امان کی بہتری کے لیے کیے گئے فیصلوں پر سختی سے عملدرآمد کرایا جائے گا اور دہشت گردی کے خلاف قومی سلامتی پر کوئی سمجھوتہ نہیں کیا جائے گا۔