انجلینا جولی نے پھر دنیا کی توجہ غزہ کی تباہی کی طرف دلا دی

ہالی ووڈ اسٹار اور معروف سماجی شخصیت انجلینا جولی نے ایک بار پھر سیٹلائٹ تصاویر شیئر کرتے ہوئے دنیا کی توجہ غزہ کی ہولناک تباہی اور انسانی بحران کی طرف مبذول کرائی ہے۔ انہوں نے اپنے بیان میں کہا ہے کہ غزہ میں گھر، اسکول، اسپتال اور سڑکیں سمیت پورا بنیادی ڈھانچہ ملبے کا ڈھیر بن چکا ہے۔ انجلینا جولی نے خبردار کیا ہے کہ سردی کی آمد سے قبل غزہ کے 94 فیصد لوگوں کو فوری طور پر پناہ گاہوں اور ضروری سامان کی اشد ضرورت ہے۔ واضح رہے کہ اس سے قبل بھی وہ غزہ کی صورتحال پر کلمۂ حق بلند کر چکی ہیں، جس پر انتہا پسند حلقوں کی جانب سے تنقید کا سامنا بھی کرنا پڑا تھا۔