جھانوی کپور کے ساتھ جعلی نازیبا ویڈیوز، جونیئر این ٹی آر کا سخت ردعمل

تیلگو فلموں کے معروف اداکار جونیئر این ٹی آر نے جھانوی کپور کے ساتھ ان کے مقبول گانے ’چٹامالے‘ کی مصنوعی ذہانت (AI) کے ذریعے تیار کردہ جعلی اور تبدیل شدہ ویڈیو سوشل میڈیا پر پھیلانے والوں کے خلاف سخت قانونی کارروائی کا اعلان کیا ہے۔ واضح رہے کہ یہ گانا 2024 میں ریلیز ہونے والی فلم ’دیورا: پارٹ 1‘ کا حصہ ہے، جس میں دونوں اداکاروں نے مرکزی کردار ادا کیے تھے۔ اس ویڈیو کے وائرل ہونے پر شدید برہمی کا اظہار کرتے ہوئے جونیئر این ٹی آر کا کہنا تھا کہ جدید ٹیکنالوجی کو کسی خاتون کی تضحیک کے لیے استعمال کرنا بیمار سوچ اور بے شرمی کی انتہا ہے، اور ایسے عناصر کے ساتھ آہنی ہاتھوں سے نمٹا جائے گا۔