سائنسدان 3 لاکھ 15 ہزار سال قدیم انسان کا ڈیجیٹل چہرہ تشکیل دینے میں کامیاب

سائنسدانوں نے مراکش سے ملنے والے 3 لاکھ 15 ہزار سال پرانے ابتدائی ہومو سیپینز (قدیم انسان) کا چہرہ جدید 3D ڈیجیٹل ٹیکنالوجی کی مدد سے دوبارہ تشکیل دے دیا ہے، جس سے انسانی ارتقاء اور قدیم انسانوں کی حلیہ و ساخت کو سمجھنے میں اہم پیش رفت ہوئی ہے۔ سائنسی جریدے ‘ہیرٹیج’ میں شائع تحقیق کے مطابق چہرے کی یہ تشکیلِ نو 1960ء کی دہائی میں مراکش کے تاریخی مقام جبل اِرہود (Jebel Irhoud) سے برآمد ہونے والے فوسل ‘اِرہود 1’ اور دیگر متعلقہ باقیات کی بنیاد پر کی گئی ہے۔

ماہرینِ آثارِ قدیمہ نے کھوپڑی کو ڈیجیٹل طور پر مکمل کرنے کے بعد جدید انسانوں کے سی ٹی سکینز اور افریقی آبادی کے نرم بافتوں (Soft Tissues) کا موازنہ کرتے ہوئے چہرے کی دو شکلیں تیار کی ہیں؛ ایک سیاہ و سفید بلا بال اور دوسری میں جلد کی رنگت اور داڑھی کے ممکنہ عناصر شامل کیے گئے ہیں۔ تحقیق سے انکشاف ہوا کہ 3 لاکھ 15 ہزار سال پرانے اس انسان کے دماغ کی گنجائش 1,364 ملی لیٹر تھی جو جدید انسان کی ساخت سے بالکل مطابقت رکھتی ہے۔ یاد رہے کہ 2017ء کی جدید ڈیشنگ تحقیق سے قبل ان فوسلز کو نیئنڈرتھل سمجھا جاتا تھا، تاہم اس پیش رفت نے ثابت کیا ہے کہ ہومو سیپینز کا ارتقاء افریقہ کے مختلف خطوں میں بیک وقت ہوا تھا۔