سٹاک مارکیٹ میں شدید مندی، سرمایہ کاروں کے اربوں ڈوب گئے

پاکستان اسٹاک ایکسچینج میں آج کاروبار کا منفی رجحان رہا جس کے باعث سرمایہ کاروں کو اربوں روپے کا نقصان اٹھانا پڑا۔ کاروباری ہفتے کے تیسرے روز اگرچہ آغاز میں 100 انڈیکس 699 پوائنٹس اضافے کے ساتھ 1 لاکھ 70 ہزار 600 پوائنٹس کی حد عبور کر گیا تھا، تاہم چند ہی گھنٹوں بعد مارکیٹ میں شدید مندی چھا گئی جو دن بھر برقرار رہی۔ سیشن کے اختتام پر 100 انڈیکس 1332 پوائنٹس کی بڑی کمی کے ساتھ 1 لاکھ 68 ہزار 636 پوائنٹس کی سطح پر بند ہوا۔ واضح رہے کہ گزشتہ روز انڈیکس 1 لاکھ 69 ہزار 969 پوائنٹس پر بند ہوا تھا۔