بشریٰ انصاری کی واپسی، فہد مصطفیٰ کے ساتھ نئی فلم کا اعلان
Web Desk
30 September 2026
پاکستان کی معروف اور سینئر اداکارہ بشریٰ انصاری نے شوبز انڈسٹری میں شاندار واپسی کا اعلان کرتے ہوئے بتایا ہے کہ وہ جلد ہی معروف اداکار و پروڈیوسر فہد مصطفیٰ کے ساتھ ایک نئی فلم میں ایک اہم کردار میں نظر آئیں گی۔
بیرونِ ملک مصروفیات سمیٹ کر پاکستان واپس آنے والی اداکارہ نے میڈیا سے گفتگو کرتے ہوئے بتایا کہ وہ جلد ہی تین نئے پراجیکٹس پر کام شروع کرنے جا رہی ہیں، جن میں دو ڈرامہ سیریلز اور ایک فلم شامل ہیں۔ انہوں نے انکشاف کیا کہ فہد مصطفیٰ کے ساتھ اس فلم کی شوٹنگ دسمبر میں شروع ہونے کا امکان ہے، جبکہ فلم کی مکمل کاسٹ کو ابھی حتمی شکل دی جا رہی ہے، تاہم معروف کامیڈین اور اداکار سہیل احمد (عزیزی) بھی اس فلم کا حصہ ہوں گے۔ اس کے علاوہ ان کے دونوں نئے ڈراموں کی شوٹنگ بالترتیب اکتوبر اور نومبر میں شروع ہوگی۔
معاشرتی مسائل اور سوشل میڈیا ٹرولنگ پر بات کرتے ہوئے بشریٰ انصاری نے کہا کہ وہ عموماً معاشرے کے اہم اور چبھتے ہوئے مسائل پر ہی بات کرتی ہیں، اور میر رضا و مصطفیٰ عامر کیسز کا حوالہ دیتے ہوئے کہا کہ جب کوئی تکلیف دہ واقعہ سامنے آئے تو وہ بطورِ انسان اپنی رائے کا اظہار کرتی ہیں، لیکن وہ کبھی کسی کی دل آزاری کا ارادہ نہیں رکھتیں۔
فیشن ڈیزائنر پریشے عدنان کے ساتھ ایک ٹی وی پروگرام (میزبان نادیہ خان) میں پیش آنے والے واقعے پر گفتگو کرتے ہوئے بشریٰ انصاری نے کہا کہ پریشے ایک باصلاحیت ڈیزائنر ہیں (جنہوں نے حال ہی میں نیویارک فیشن ویک میں اپنی ’سیکنڈ سکن‘ کلیکشن پیش کی تھی)، اور ان کے انٹرویو میں گفتگو کا محور ان کی کامیابی ہونی چاہیے تھی نہ کہ ان کے لباس یا ذاتی انتخابات۔ انہوں نے کہا کہ ہر شخص کا اپنا ذاتی انداز ہوتا ہے، البتہ پروگرام کے بعد میزبان کو ملنے والی ٹرولنگ پر بات کرتے ہوئے ان کا کہنا تھا کہ سوشل میڈیا پر تنقید اور ناقدین کے بڑھتے ہوئے رجحان کی بھی ایک حد ہونی چاہیے، کیونکہ آج کل ہر شخص دو مائیک لگا کر پوڈکاسٹ شروع کر دیتا ہے اور بغیر کسی معلومات کے دوسروں پر بے جا تنقید شروع کر دیتا ہے۔
متعلقہ عنوانات
ٹک ٹاکر کی مہندی تقریب میں دو افراد کی ہلاکت کیس میں اہم پیشرفت
21 November 2026
حنا جاوید قتل کیس: پولیس نے چالان میں گھریلو ملازم ذیشان کو مرکزی ملزم قرار دے دیا
21 November 2026
روسی وزارت خارجہ کی پریس بریفنگ میں پاکستانی اداکارہ دنانیر مبین کی کامیابی کا خصوصی ذکر
21 November 2026
سینئر اینکر پرسن ربیعہ احسن قتل کیس، ملزم احسن طاہر اڈیالہ جیل سے رہا
20 November 2026
شازیہ منظور کی جائیداد پر مبینہ قبضے کی کوشش، 2 ملزمان گرفتار
20 November 2026
مس یونیورس ویتنام سے 48 روز بعد ہی تاج واپس لے لیا گیا
20 November 2026
عالمی آرٹ میلے میں پاکستانی ثقافت کی نمائندگی، گلوکار عظیم ڈار کو گیسٹ آف آنر کا اعزاز
20 November 2026
گلوکارہ شازیہ منظور کے گھر مسلح افراد کا حملہ، جان سے مارنے کی دھمکیاں
19 November 2026