LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
مکہ معاہدے کے تحت سعودی عرب کا دفاع ترجیح ہے، حاقان فیدان مولانا فضل الرحمان جہاں غلط ہوں گے وہاں کہا جائےگا: گورنر خیبر پختوںخوا خیبر پختونخوا کے ترقیاتی پیکیج کے 10 ارب روپے جاری ہونا خوش آئند: ثمر بلور پاکستان تحریک انصاف نے ایڈووکیٹ نیاز اللہ خان نیازی کو پارٹی کی سیاسی کمیٹی میں بھی شامل کر لیا پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار

مقابلہ حسن کی فاتح 30 سالہ بھارتی سوشل میڈیا انفلوئنسر کی پراسرار موت

Web Desk

30 September 2026

بھارتی ریاست مدھیہ پردیش سے تعلق رکھنے والی 30 سالہ معروف سوشل میڈیا انفلوئنسر اور ماڈل نِدھی تیواری کی پراسرار موت کی خبر نے ان کے لاکھوں چاہنے والوں اور سوشل میڈیا صارفین کو شدید صدمے میں مبتلا کر دیا ہے۔ بھارتی میڈیا کے مطابق نِدھی تیواری کی مقبولیت کا اندازہ اس بات سے لگایا جا سکتا ہے کہ ان کے فیس بک پر تقریباً 9 لاکھ اور انسٹاگرام پر 7 لاکھ کے قریب فالوورز تھے، جبکہ ان کی تخلیق کردہ ویڈیوز کو لاکھوں افراد کی پذیرائی حاصل تھی۔ نِدھی نے 2024ء میں ‘مس پریٹی انڈیا’ کا خوبصورتی کا اعزاز بھی حاصل کیا تھا اور وہ ماڈلنگ و اداکاری میں اپنا کیریئر سنوارنے کے لیے مسلسل کوشاں تھیں۔

میڈیا رپورٹس کے مطابق گزشتہ ہفتے نِدھی کے گھر والوں کو ان کی پنکھے سے پھندا لگی لاش ملی، جس کے بعد اہلخانہ انہیں فوری طور پر قریب واقع ہسپتال لے گئے تاہم ڈاکٹروں نے ان کی موت کی تصدیق کر دی۔ نِدھی کے اہلخانہ نے انکشاف کیا ہے کہ اس ناخوشگوار واقعے سے کچھ دیر قبل ان کی بیٹی فون پر کسی شخص سے مسلسل بات چیت کر رہی تھی اور شدید ذہنی دباؤ اور پریشانی میں دکھائی دے رہی تھی۔ پولیس حکام کا کہنا ہے کہ نِدھی کی موت سے قبل ہونے والی کالز، فون ریکارڈز اور دیگر حالات کا باریک بینی سے جائزہ لیا جا رہا ہے اور اس بات کا تعین کرنے کے لیے تفتیش جاری ہے کہ آیا یہ خودکشی کا واقعہ ہے یا اس کے پیچھے کسی قتل کی سازش کارفرما ہے۔