بھارتی پلے بیک گلوکار جوبین نوٹیال کے ہاں بیٹےکی پیدائش

بھارتی شوبز انڈسٹری سے تعلق رکھنے والے معروف پلے بیک گلوکار جوبین نوٹیال کے ہاں پہلے بچے کی پیدائش ہوئی ہے۔ بھارتی میڈیا کے مطابق جوبین نوٹیال اور ان کی اہلیہ کے ہاں بیٹے کی ولادت 14 ستمبر کو ہندوؤں کے مذہبی تہوار گنیش چترتھی کے بابکت موقع پر ہوئی۔

گلوکار جوبین نوٹیال نے خود اس خوشخبری کی باضابطہ تصدیق کرتے ہوئے بتایا کہ وہ اب والد بن گئے ہیں اور ان کا بیٹا 14 ستمبر کو اس دنیا میں آیا ہے۔ مداحوں اور شوبز شخصیات کی جانب سے گلوکار کو والد بننے پر مبارکباد دینے کا سلسلہ جاری ہے۔

واضح رہے کہ جوبین نوٹیال 14 جون 1989 کو دہرادون، اتراکھنڈ میں پیدا ہوئے اور وہ بالی ووڈ انڈسٹری کے انتہائی مقبول اور سُریلے پلے بیک سنگرز میں شمار ہوتے ہیں۔ ان کی شاندار گائیکی پر انہیں آئیفا (IIFA)، فلم فیئر اور زی سینے ایوارڈز سمیت کئی بڑے قومی اور بین الاقوامی اعزازات سے نوازا جا چکا ہے۔