راحت فتح علی خان کے بیٹے کی مونی رائے کے ساتھ تصویر، صارفین کے دلچسپ تبصرے

معروف قوال و گلوکار راحت فتح علی خان کے صاحبزادے اور ابھرتے ہوئے نوجوان گلوکار شہزمان علی خان ان دنوں دبئی میں اپنی پرتعیش زندگی کی دلکش جھلکیاں مداحوں کے ساتھ شیئر کر رہے ہیں، جو سوشل میڈیا پر شدید توجہ کا مرکز بنی ہوئی ہیں۔ شہزمان علی خان نے اپنے حالیہ دورہِ دبئی کی خوبصورت تصاویر اور ویڈیوز کا ایک ‘فوٹو ڈمپ’ سوشل میڈیا پر جاری کیا ہے، جس میں وہ لگژری ہوٹلز، شاندار سفر اور دبئی کے پرتعیش ماحول سے لطف اندوز ہوتے نظر آ رہے ہیں۔

اس فوٹو ڈمپ میں بالی ووڈ کی معروف اداکارہ مونی رائے کے ساتھ ان کی ایک تصویر بھی شامل ہے، جس نے مداحوں اور سوشل میڈیا صارفین کی خاصی توجہ حاصل کی ہے۔ تصاویر سامنے آتے ہی سوشل میڈیا پر صارفین کے تبصروں کا تانتا بندھ گیا؛ جہاں کئی مداحوں نے ان کے انداز اور طرزِ زندگی کو سراہا، وہیں کچھ صارفین نے مزاحیہ و سنجیدہ انداز میں نوجوان گلوکار کو کیریئر پر فوکس رکھنے اور لڑکیوں سے دور رہنے جیسے مختلف مشورے دینا شروع کر دیے۔