امیشا پٹیل کے گھر چوری، لاکھوں روپے کے زیورات غائب

بالی ووڈ کی معروف اداکارہ امیشا پٹیل کے والدین کے گھر میں چوری کی واردات پیش آئی ہے، جہاں سے تقریباً 5 لاکھ بھارتی روپے مالیت کے قیمتی زیورات غائب ہو گئے۔ بھارتی میڈیا رپورٹس کے مطابق یہ واقعہ ممبئی کے علاقے چرچ گیٹ میں واقع اداکارہ کی خاندانی رہائش گاہ پر پیش آیا، جس پر میرین ڈرائیو پولیس نے تحرک لیتے ہوئے ایک گھریلو ملازمہ کو گرفتار کر لیا ہے۔

پولیس کے مطابق گرفتار کی گئی ملزمہ کی شناخت 40 سالہ سیما گھاٹے کے نام سے ہوئی ہے، جو گزشتہ ڈیڑھ سال سے وہاں ملازمت کر رہی تھی۔ امیشا پٹیل کی والدہ آشا پٹیل کو گزشتہ چند ماہ سے زیورات غائب ہونے پر ملازمہ پر شبہ تھا، تاہم مسلسل مطالبات کے باوجود زیورات واپس نہ ملنے پر انہوں نے بالآخر پولیس سے باقاعدہ رجوع کیا۔ میرین ڈرائیو پولیس نے باضابطہ شکایت درج کرنے کے بعد ملزمہ کو حراست میں لے کر تحریری تحقیقات کا آغاز کر دیا ہے، جبکہ عدالت نے ملزمہ کو 15 ستمبر تک پولیس ریمانڈ پر بھیج دیا ہے۔