حنا جاوید قتل کیس: ملزم ذیشان ارشد کی ضمانت درخواست پر سماعت ملتوی
Web Desk
11 September 2026
اسلام آباد: ڈیجیٹل ڈیزائنر حنا جاوید کے بہیمانہ تشدد اور قتل کیس میں نامزد مرکزی ملزم ذیشان ارشد کی درخواستِ ضمانت پر سماعت 14 ستمبر تک ملتوی کر دی گئی۔ کیس کی سماعت ایڈیشنل ڈسٹرکٹ اینڈ سیشن جج نصیر احمد نے کی۔
سماعت کے دوران ایس ایچ او اور تفتیشی افسر کے عدالت میں پیش نہ ہونے پر جج نے سخت برہمی کا اظہار کیا۔ عدالت نے شدید برہمی ظاہر کرتے ہوئے ریمارکس دیے کہ تفتیشی افسر کیس کا ریکارڈ پیش کرنے کے بجائے لاہور چلا گیا ہے، جبکہ آئندہ سماعت پر ایس ایچ او ہر صورت کیس کا مکمل ریکارڈ عدالت کے سامنے پیش کرے۔
دورانِ سماعت گرفتار ملزم ذیشان ارشد کے دو وکلا کی جانب سے جیل سے دو مختلف بائیومیٹرک اور وکالت نامے پیش کیے گئے۔ عدالت نے دونوں وکالت ناموں کو تصدیق کے لیے سپرنٹنڈنٹ جیل کو بھیجنے کا حکم دیتے ہوئے سخت ریمارکس دیے کہ “یہ انتہائی حساس اور ہائی پروفائل کیس ہے، اس میں کسی کی کوئی ہینکی پھینکی نہیں چلے گی۔”
دوسری جانب مقتولہ حنا جاوید کے اہلخانہ نے بھی پولیس کی تفتیش اور نامناسب رویے پر شدید عدم اعتماد کا اظہار کیا ہے۔ مقتولہ کی فیملی کی جانب سے ہائیکورٹ کے سابق جج شاہ خاور کیس کی پیروکاری کریں گے، جبکہ مقتولہ کے بھائی فہد جاوید نے بائیومیٹرک تصدیق مکمل کروا لی ہے۔
واضح رہے کہ ڈیجیٹل ڈیزائنر حنا جاوید کو رواں برس 20 اگست کو ہاتھ پاؤں باندھ کر تشدد کے بعد بے دردی سے قتل کر دیا گیا
متعلقہ عنوانات
ٹک ٹاکر کی مہندی تقریب میں دو افراد کی ہلاکت کیس میں اہم پیشرفت
21 November 2026
حنا جاوید قتل کیس: پولیس نے چالان میں گھریلو ملازم ذیشان کو مرکزی ملزم قرار دے دیا
21 November 2026
روسی وزارت خارجہ کی پریس بریفنگ میں پاکستانی اداکارہ دنانیر مبین کی کامیابی کا خصوصی ذکر
21 November 2026
سینئر اینکر پرسن ربیعہ احسن قتل کیس، ملزم احسن طاہر اڈیالہ جیل سے رہا
20 November 2026
شازیہ منظور کی جائیداد پر مبینہ قبضے کی کوشش، 2 ملزمان گرفتار
20 November 2026
مس یونیورس ویتنام سے 48 روز بعد ہی تاج واپس لے لیا گیا
20 November 2026
عالمی آرٹ میلے میں پاکستانی ثقافت کی نمائندگی، گلوکار عظیم ڈار کو گیسٹ آف آنر کا اعزاز
20 November 2026
گلوکارہ شازیہ منظور کے گھر مسلح افراد کا حملہ، جان سے مارنے کی دھمکیاں
19 November 2026