انگور کھٹے ہیں؛ریئلٹی شو کو فیک کہنے پر نیہا کا سنیدھی چوہان کو کٹھا میٹھا جواب
Web Desk
10 September 2026
معروف بھارتی گلوکارہ نیہا ککڑ نے میوزک ریئلٹی شوز کو فیک اور اسکرپٹڈ قرار دینے والی اپنی ساتھی گلوکارہ سنیدھی چوہان کے الزامات کا جواب دیتے ہوئے ان تمام تاثرات کو یکسر مسترد کر دیا ہے۔ بھارتی میڈیا کو دیے گئے ایک انٹرویو کے دوران جب نیہا ککڑ سے ریئلٹی شوز کی شفافیت پر سوال کیا گیا تو انہوں نے واضح کیا کہ ان پروگراموں میں دکھائے جانے والے جذباتی مناظر اور امیدواروں کی جدوجہد کوئی من گھڑت ڈراما نہیں ہوتی بلکہ ان کے حقیقی جذبات اور مسائل پر مبنی ہوتی ہے۔
نیہا ککڑ نے کہا کہ ان شوز میں شرکت کرنے والے زیادہ تر نوجوان چھوٹے شہروں سے آتے ہیں اور کامیابی حاصل کرنے کے لیے شدید مشکلات کا سامنا کرتے ہیں، اس لیے ان کی جدوجہد کو ڈرامائی کہانی کہنا غلط ہے۔ انہوں نے کسی کا نام لیے بغیر طنزیہ انداز میں کہا کہ ”انگور نہ ملیں تو کھٹے ہیں، جسے انگور نہیں ملتے اسے کھٹے ہی لگتے ہیں۔“ ان کا یہ جملہ بظاہر سنیدھی چوہان کے اس حالیہ بیان کا جواب سمجھا جا رہا ہے جس میں انہوں نے ایک پوڈ کاسٹ کے دوران کہا تھا کہ جدید ریئلٹی شوز میں حقیقت سے زیادہ ڈراما دکھایا جاتا ہے۔ اس تنازع کے بعد انڈین شوبز انڈسٹری اور موسیقی کے حلقوں میں ریئلٹی شوز کے معیار اور شفافیت پر ایک نئی بحث چھڑ گئی ہے۔
متعلقہ عنوانات
ٹک ٹاکر کی مہندی تقریب میں دو افراد کی ہلاکت کیس میں اہم پیشرفت
21 November 2026
حنا جاوید قتل کیس: پولیس نے چالان میں گھریلو ملازم ذیشان کو مرکزی ملزم قرار دے دیا
21 November 2026
روسی وزارت خارجہ کی پریس بریفنگ میں پاکستانی اداکارہ دنانیر مبین کی کامیابی کا خصوصی ذکر
21 November 2026
سینئر اینکر پرسن ربیعہ احسن قتل کیس، ملزم احسن طاہر اڈیالہ جیل سے رہا
20 November 2026
شازیہ منظور کی جائیداد پر مبینہ قبضے کی کوشش، 2 ملزمان گرفتار
20 November 2026
مس یونیورس ویتنام سے 48 روز بعد ہی تاج واپس لے لیا گیا
20 November 2026
عالمی آرٹ میلے میں پاکستانی ثقافت کی نمائندگی، گلوکار عظیم ڈار کو گیسٹ آف آنر کا اعزاز
20 November 2026
گلوکارہ شازیہ منظور کے گھر مسلح افراد کا حملہ، جان سے مارنے کی دھمکیاں
19 November 2026