روس یوکرین جنگ کے خاتمے کیلئے امریکی سفارتی کوششیں تیز، وِٹکوف اور کشنر کیف پہنچ گئے

امریکی صدر ڈونلڈ ٹرمپ کے بالترتیب خصوصی نمائندے اسٹیو وِٹکوف اور داماد جیرڈ کشنر روسی صدر ولادیمیر پیوٹن سے ماسکو میں اہم بات چیت کے بعد یوکرین کے دارالحکومت کیف پہنچ گئے ہیں۔ فروری 2022ء میں جنگ کے آغاز کے بعد امریکی وفد کا کیف کا یہ پہلا باضابطہ دورہ ہے۔ کیف پہنچنے پر اسٹیو وِٹکوف اور جیرڈ کشنر نے یوکرینی صدر ولادیمیر زیلنسکی سے ملاقات کی، جبکہ اس موقع پر امریکی وفد نے تاریخی ‘سینٹ صوفیہ کیتھیڈرل’ کا دورہ بھی کیا جو حال ہی میں روسی حملوں سے متاثر ہوا تھا۔ یوکرینی صدر ولادیمیر زیلنسکی نے واضح کیا کہ یوکرین جنگ کے خاتمے اور باوقار و پائیدار امن کے لیے مذاکرات پر تیار ہے، تاہم اس کے لیے مضبوط سیکیورٹی ضمانتیں اور تجاویز اہم ہیں۔ انہوں نے امریکی صدر اور وفد کا شکریہ بھی ادا کیا۔

یوکرینی صدارتی دفتر کے ترجمان کے مطابق اس اہم موقع پر فرانس، برطانیہ اور جرمنی کے نمائندے بھی کیف میں موجود ہیں تاکہ مفاہمتی عمل کو آگے بڑھایا جا سکے۔ دوسری جانب، اس اعلیٰ سطح کے سفارتی مشن کے دوران ماسکو اور کیف کے لیے 72 گھنٹے کی عارضی جنگ بندی نافذ کی گئی ہے، تاکہ دونوں دارالحکومتوں پر ہوائی حملے نہ ہوں۔ تاہم اس جنگ بندی کا دائرہ کار صرف دونوں دارالحکومتوں تک محدود رہنے کی وجہ سے روس نے یوکرین کے دیگر خطوں میں اپنے ڈرون اور میزائل حملے جاری رکھے