ویرات کوہلی انوشکا شرما سے پہلے کس مشہور بالی ووڈ اداکارہ کو پسند کرتے تھے؟

ممبئی: بھارتی کرکٹ ٹیم کے سابق کپتان اور عالمی شہرت یافتہ بیٹر ویرات کوہلی اور بالی ووڈ اداکارہ انوشکا شرما کی محبت اور شادی کی کہانیاں تو دنیا بھر میں معروف ہیں، تاہم بہت کم لوگ جانتے ہیں کہ انوشکا سے کئی برس قبل ویرات کوہلی کا دل 90 کی دہائی کی ایک اور نامور بالی ووڈ اداکارہ کے لیے دھڑکتا تھا۔

بھارتی میڈیا رپورٹس کے مطابق ماضی میں ایک انٹرویو کے دوران ویرات کوہلی نے خود اس بات کا انکشاف کیا تھا کہ ان کے بچپن کا پہلا کرش (Crush) 90 کی دہائی کی مقبول ترین اداکارہ کرشمہ کپور تھیں۔ ویرات کوہلی نے بتایا تھا کہ جب انہوں نے کرشمہ کپور کی ہٹ فلم ’جڑواں‘ دیکھی تو وہ ان کی خوبصورتی اور اداکاری کے اس قدر دیوانے ہو گئے کہ ان کی ایک جھلک دیکھنے کے لیے بے تاب رہتے تھے۔

اس وقت ویرات کوہلی کی عمر کافی کم تھی جبکہ کرشمہ کپور بھارتی فلم انڈسٹری کی صفِ اول کی اداکاراؤں میں شمار ہوتی تھیں۔ میڈیا رپورٹس کے مطابق ان دونوں کے درمیان کبھی کوئی رومانوی تعلق یا ملاقات نہیں رہی، بلکہ یہ محض کرکٹر کی نو عمری کا ایک پسندیدہ خواب اور کرش تھا، جس کا تذکرہ انہوں نے بعد میں ایک انٹرویو میں کیا تھا۔