صومالی تنظیم الشباب اور یمنی حوثیوں کے درمیان فوجی تعاون بڑھانے کی اطلاعات

امریکی میڈیا کی رپورٹس کے مطابق القاعدہ سے وابستہ صومالیہ کی شدت پسند تنظیم ‘الشباب’ اور یمن کے حوثی باغیوں کے درمیان روز بروز بڑھتا عسکری و اسلحہ جاتی تعاون امریکہ کے لیے ایک نیا سکیورٹی چیلنج بن کر سامنے آ رہا ہے۔ وال سٹریٹ جرنل کے مطابق اگرچہ دونوں گروہوں کے درمیان نظریاتی اختلافات رہے ہیں، لیکن امریکہ اور اسرائیل سے مشترکہ دشمنی نے انہیں قریب کر دیا ہے۔ حوثی باغی الشباب کو جدید ہتھیار اور ڈرون ٹیکنالوجی فراہم کر رہے ہیں جبکہ بدلے میں الشباب کے ذریعے خلیج عدن تک رسائی سے حوثیوں کو اہم بحری راستے پر اثر و رسوخ بڑھانے کا موقع مل رہا ہے۔ 2023 سے جاری اس اتحاد کے باعث بحیرہ احمر، خلیج عدن اور عالمی تیل کی ترسیلی راہداریوں پر حملوں کے خطرات مزید شدت اختیار کر گئے ہیں۔