شعیب ملک کا چوتھی شادی کی افواہوں پر دلچسپ ردعمل

کراچی: پاکستان کے معروف سابق کپتان و آل راؤنڈر شعیب ملک نے اپنی ذاتی زندگی اور شادی سے متعلق میڈیا میں بار بار سامنے آنے والی افواہوں پر ردِعمل دیتے ہوئے کہا ہے کہ خبروں میں ان کی مسلسل شادی کروائی جا رہی ہوتی ہے۔

ایک نجی ٹی وی شو میں شرکت کے دوران گفتگو کرتے ہوئے شعیب ملک نے اپنی ذاتی زندگی، میڈیا ہائپ اور سوشل میڈیا پر گردش کرنے والی خبروں پر کھل کر بات کی۔ انہوں نے مزاحیہ انداز میں کہا کہ وہ اکثر مختلف ذرائع سے اپنے ہی نئے نکاح کی خبریں سنتے رہتے ہیں اور خود بھی حیران ہوتے ہیں کہ ان کی شادی سے متعلق اتنی زیادہ افواہیں آخر کہاں سے آتی ہیں۔

شعیب ملک نے مذاق کرتے ہوئے مزید کہا کہ وہ اپنے بارے میں یہ خبر پھیلانا چاہتے ہیں کہ وہ ایک شریف اور ’جینٹل مین‘ انسان ہیں، لیکن شادی کی مسلسل افواہوں کی موجودگی میں شاید ایسا ممکن نظر نہیں آتا۔ واضح رہے کہ شعیب ملک کی ذاتی زندگی ماضی میں بھی میڈیا کی توجہ کا مرکز رہی ہے؛ انہوں نے پہلی شادی بھارتی ٹینس اسٹار ثانیہ مرزا سے کی تھی، تاہم بعد ازاں دونوں کے درمیان طلاق ہو گئی تھی۔