ٹرمپ کی اردن میں فوجی اڈے پر کارروائی کے جواب میں ایران پر شدید حملوں کی دھمکی

امریکی صدر ڈونلڈ ٹرمپ نے اردن میں امریکی فوجی اڈے پر ہونے والے حملوں کے جواب میں ایران کو شدید ردعمل کی دھمکی دی ہے۔ امریکی میڈیا ‘فاکس نیوز’ کو دیے گئے ایک انٹرویو میں صدر ٹرمپ نے کہا کہ ایران کے خلاف امریکی کارروائی انتہائی سخت ہوگی۔ انہوں نے ایران کو ایک ‘ناکام ریاست’ قرار دیتے ہوئے دعویٰ کیا کہ اس کے پاس کوئی مؤثر فوج موجود نہیں ہے اور ایرانی حکومت اپنے پولیس اور فوجی اہلکاروں کو تنخواہیں دینے سے بھی قاصر ہے۔ امریکی صدر نے مزید کہا کہ ایران اس وقت شدید معاشی بحران اور دباؤ کا شکار ہے، جہاں افراطِ زر (مہنگائی) کی شرح 300 فیصد تک پہنچ چکی ہے۔