امریکی فوج نے آبنائے ہرمز میں ٹینکر کے بارودی سرنگ سے ٹکرانے کا دعویٰ مسترد کردیا

امریکی سینٹرل کمانڈ (سینٹ کام) نے آبنائے ہرمز میں کسی بحری ٹینکر کے بارودی سرنگ سے ٹکرانے کی خبروں اور دعووں کو مکمل طور پر مسترد کر دیا ہے۔ سینٹ کام کی جانب سے جاری بیان میں کہا گیا ہے کہ آبنائے ہرمز میں کسی بھی جہاز کے بارودی سرنگ سے ٹکرانے کی تصدیق نہیں ہوئی اور اس سے متعلق پھیلائی جانے والی اطلاعات غلط معلومات پر مبنی ہیں۔ امریکی فوج نے واضح کیا کہ خطے میں بحری آمدورفت اور جہاز رانی معمول کے مطابق جاری ہے، جبکہ اس قسم کے بے بنیاد دعوے تجارتی بحری جہاز رانی میں خوف و ہراس پھیلانے کی مہم کا حصہ ہیں۔