دورۂ انگلینڈ: قومی ٹیم کی ناقص کارکردگی، تیسرے ٹیسٹ کیلئے تبدیلیوں کا فیصلہ

دورۂ انگلینڈ میں قومی کرکٹ ٹیم کی غیر معین اور ناقص کارکردگی پر پاکستان کرکٹ بورڈ (پی سی بی) کے حکام نے شدید تشویش کا اظہار کرتے ہوئے ہنگامی اقدامات شروع کر دیے ہیں۔ لارڈز ٹیسٹ میں شکست کے بعد لندن کے ہوٹل میں ٹیم انتظامیہ اور بورڈ حکام کا اہم اجلاس منعقد ہوا جس میں تیسرے ٹیسٹ سے قبل ٹیم میں بڑی تبدیلیوں کا فیصلہ کیا گیا۔ ذرائع کے مطابق صائم ایوب اور عرفات منہاس کو فوری طور پر انگلینڈ طلب کر لیا گیا ہے جبکہ محمد رضوان اور امام الحق کو وطن واپس بھیجنے کا فیصلہ کیا گیا ہے، جہاں امام الحق کی انجری کے معاملے کی تحقیقات بھی متوقع ہیں۔ تیسرے ٹیسٹ کے لیے ٹیم کے معاملات مائیک ہیسن اور سرفراز احمد مشترکہ طور پر دیکھیں گے اور پلیئنگ الیون میں نمایاں تبدیلیاں کی جائیں گی۔