ناظم آباد کے نجی ہسپتال میں مبینہ حمل کے تنازع پر توڑ پھوڑ، ہوشربا انکشافات

کراچی کے علاقے ناظم آباد کے ایک نجی ہسپتال میں مبینہ حمل کے تنازع پر لواحقین کی جانب سے توڑ پھوڑ کا واقعہ پیش آیا ہے، جس پر پولیس نے موقع پر پہنچ کر صورتحال پر قابو پا لیا۔ پولیس کے مطابق 24 سالہ خاتون زویا کو زچگی کے لیے ہسپتال لایا گیا تھا، تاہم ہسپتال انتظامیہ نے ادعا کیا کہ آپریشن کے دوران معلوم ہوا کہ خاتون حاملہ ہی نہیں تھیں۔ اس غیر متوقع انکشاف پر خاتون کے شوہر اور اہلخانہ نے مشتعل ہو کر ہسپتال میں توڑ پھوڑ کی۔ ایس ایس پی سینٹرل نے واقعے کی شفاف تحقیقات کے لیے ایس ڈی پی او گلبرگ منیشاء روپیتا کی سربراہی میں ایک خصوصی ٹیم تشکیل دے دی ہے۔ خاتون کو طبی معائنے کے لیے ایم ایل او عباسی شہید ہسپتال منتقل کر دیا گیا ہے، جبکہ پولیس کا کہنا ہے کہ سی سی ٹی وی اور میڈیکل رپورٹس کی روشنی میں قانونی کارروائی کی جائے گی۔