مشورہ نہیں، آزادی دیتا ہوں، شاہ رخ خان کا بچوں کی فلمی زندگی سے متعلق بیان
Web Desk
3 November 2025
ممبئی: بالی ووڈ کے کنگ خان، شاہ رخ خان نے انکشاف کیا ہے کہ وہ اپنے بچوں کو فلمی کیریئر سے متعلق کوئی مشورہ نہیں دیتے بلکہ صرف ان کی حوصلہ افزائی کرتے ہیں۔ اپنی 60ویں سالگرہ کے موقع پر منعقدہ خصوصی تقریب میں گفتگو کرتے ہوئے اداکار نے اس کی وجہ بھی بتاکر مداحوں کو حیران کردیا۔
شاہ رخ خان کا کہنا تھا کہ بیٹی سہانا خان اداکاری جبکہ بیٹا آریان خان لکھاری اور ہدایت کاری کے شعبے میں کام کر رہے ہیں اور وہ اپنی تخلیقی صلاحیتوں کے ساتھ خود اپنا راستہ بنا رہے ہیں۔
انہوں نے کہا، “تخلیقی لوگوں کو زیادہ سمجھانے کی ضرورت نہیں ہوتی، وہ خود راستہ بناتے ہیں۔ اگر میں بطور باپ، 35 سالہ تجربہ رکھتے ہوئے انہیں مشورے دوں تو وہ یہ سوچ سکتے ہیں کہ پاپا کی بات ماننی ہی پڑے گی، اور میں نہیں چاہتا کہ وہ ایسا دباؤ محسوس کریں۔“
شاہ رخ نے مزید بتایا کہ وہ صرف اس وقت اپنی رائے دیتے ہیں جب ان کے بچے خود پوچھیں۔ “کبھی تعریف کرتا ہوں اور کبھی تنقید، لیکن آخر میں یہی کہتا ہوں کہ وہی کرو جو تمھیں ٹھیک لگے۔“
اداکار کے مطابق، وہ چاہتے ہیں کہ ان کے بچے اپنی منفرد شناخت خود بنائیں اور کامیابی یا ناکامی کا سامنا اپنی محنت کے ساتھ کریں، نہ کہ کسی دباؤ کے تحت۔
شاہ رخ خان کی یہ صاف گوئی ان کے والد ہونے کی حساسیت اور فنی دنیا میں تخلیقی آزادی کے احترام کو ظاہر کرتی ہے، جسے مداحوں نے بے حد سراہا۔
متعلقہ عنوانات
ٹک ٹاکر کی مہندی تقریب میں دو افراد کی ہلاکت کیس میں اہم پیشرفت
21 November 2026
حنا جاوید قتل کیس: پولیس نے چالان میں گھریلو ملازم ذیشان کو مرکزی ملزم قرار دے دیا
21 November 2026
روسی وزارت خارجہ کی پریس بریفنگ میں پاکستانی اداکارہ دنانیر مبین کی کامیابی کا خصوصی ذکر
21 November 2026
سینئر اینکر پرسن ربیعہ احسن قتل کیس، ملزم احسن طاہر اڈیالہ جیل سے رہا
20 November 2026
شازیہ منظور کی جائیداد پر مبینہ قبضے کی کوشش، 2 ملزمان گرفتار
20 November 2026
مس یونیورس ویتنام سے 48 روز بعد ہی تاج واپس لے لیا گیا
20 November 2026
عالمی آرٹ میلے میں پاکستانی ثقافت کی نمائندگی، گلوکار عظیم ڈار کو گیسٹ آف آنر کا اعزاز
20 November 2026
گلوکارہ شازیہ منظور کے گھر مسلح افراد کا حملہ، جان سے مارنے کی دھمکیاں
19 November 2026