ٹیکسلا میں ٹک ٹاکر لڑکی کا قتل، فائرنگ میں ملوث ملزمان کی تصاویر سامنے آگئیں

ٹیکسلا بائی پاس کے قریب گاڑی پر فائرنگ کے نتیجے میں جاں بحق ہونے والی 28 سالہ معروف ٹک ٹاکر عائشہ گیلامنہ عرف ’شمسو‘ کے قتل میں ملوث ملزمان کی سی سی ٹی وی فوٹیج سے حاصل کردہ تصاویر سامنے آ گئی ہیں۔ تصاویر میں موٹر سائیکل پر سوار دو ہیلمٹ پوش مسلح ملزمان کو فائرنگ کے بعد موقعِ واردات سے فرار ہوتے دیکھا جا سکتا ہے۔ پولیس کے مطابق ملزمان کی موٹر سائیکل پر نمبر پلیٹ بھی موجود نہیں تھی، تاہم کارروائی کرتے ہوئے دو سہولت کاروں سمیت چار مشتبہ افراد کو حراست میں لے لیا گیا ہے۔ یاد رہے کہ دو روز قبل شمسو اپنی 15 سالہ بہن کے ہمراہ ٹیکسلا سے راولپنڈی جا رہی تھیں کہ فائرنگ کے اس واقعے میں عائشہ موقع پر ہی جاں بحق جبکہ ان کی بہن شدید زخمی ہو گئیں، جنہیں پمز اسپتال اسلام آباد میں طبی امداد فراہم کی جا رہی ہے۔