سٹاک مارکیٹ میں اتار چڑھاؤ، ہنڈرڈ انڈیکس مثبت زون میں بند ہوا

پاکستان سٹاک مارکیٹ میں کاروباری ہفتے کے پہلے روز ملے جلے رجحان اور اتر چڑھاؤ کے بعد 100 انڈیکس مثبت زون میں بند ہوا۔ دن کے آغاز پر مارکیٹ میں زبردست تیزی دیکھی گئی، جس کے باعث ہنڈرڈ انڈیکس 1,000 سے زائد پوائنٹس کے اضافے کے ساتھ 1 لاکھ 81 ہزار 133 پوائنٹس کی بلندی تک پہنچ گیا। تاہم ٹریڈنگ کے دوران سیشن کے وسط میں منافع کے حصول کی فروخت کے باعث مارکیٹ میں اتار چڑھاؤ کا سلسلہ جاری رہا۔

کاروباری روز کے اختتام پر 100 انڈیکس 397 پوائنٹس (0.22٪) اضافے کے ساتھ 1 لاکھ 80 ہزار 502 پوائنٹس کی سطح پر بند ہوا۔ یاد رہے کہ گزشتہ کاروباری ہفتے کے آخری روز سٹاک مارکیٹ کا ہنڈرڈ انڈیکس 1 لاکھ 80 ہزار 104 پوائنٹس کی سطح پر بند ہوا تھا۔