سرگودھا کے 21 نوجوان سعودی عرب میں لا پتہ، اہل خانہ کی حکومت سے مدد کی اپیل

پنجاب کے ضلع سرگودھا کی تحصیل ساہیوال اور قصبہ ساہیوال سے روزگار کی تلاش میں سعودی عرب جانے والے 21 نوجوان مبینہ طور پر لاپتہ ہو گئے ہیں۔ لواحقین کے مطابق تمام نوجوان ویزوں پر سعودی عرب گئے تھے اور وہاں ٹیکسی ڈرائیور کے طور پر کام کر رہے تھے، جن کا 28 جنوری سے اپنے اہلخانہ سے رابطہ منقطع ہے۔ لاپتہ افراد میں مجتبیٰ بلوچ، رضی خان اور محمد خاور اقبال سمیت ایک ہی قبیلے کے 13 افراد شامل ہیں۔ طویل عرصے سے رابطہ نہ ہونے کے باعث اہلخانہ شدید تشویش میں مبتلا ہیں اور انہوں نے وزیراعظم، وزیر خارجہ اور فیلڈ مارشل سے نوٹس لینے کی اپیل کی ہے۔ لواحقین کا کہنا ہے کہ سعودی حکام سے رابطہ کر کے نوجوانوں کا پتہ لگایا جائے اور اگر ان سے کوئی جرم نہیں ہوا تو ان کی فوری بازیابی کو یقینی بنایا جائے۔