حماس کے غیر مسلح ہونے پر اسرائیلی افواج غزہ سے چلی جائیں گی: ٹرمپ

امریکی صدر ڈونلڈ ٹرمپ نے دعویٰ کیا ہے کہ ‘بورڈ آف پیس’ نے غزہ میں حماس اور تمام دیگر مسلح گروہوں کو مکمل طور پر غیر مسلح کرنے سے متعلق ایک تاریخی معاہدہ طے کر لیا ہے۔ اپنے سوشل میڈیا پلیٹ فارم ‘ٹروتھ سوشل’ (Truth Social) پر جاری بیان میں امریکی صدر نے کہا کہ غزہ کو غیر مسلح کرنے کا عمل مکمل ہوتے ہی اسرائیلی افواج کا انخلا شروع ہو جائے گا۔ انہوں نے اس پیش رفت کو دیرپا امن، سلامتی اور غزہ میں نئی فلسطینی حکومت کے قیام کی جانب بڑا قدم قرار دیتے ہوئے بتایا کہ معاہدے پر مرحلہ وار عملدرآمد کیا جائے گا، جس کے تحت بین الاقوامی استحکام فورس (International Stabilization Force) مقامی فلسطینی پولیس کے ساتھ مل کر سیکورٹی اور انتظامی امور سنبھالے گی۔