نادرا کو ڈیجیٹل شعبے میں شاندار کامیابیوں پر تین ایوارڈز مل گئے

قومی شناختی و اندراجی اتھارٹی (NADRA) نے ڈیجیٹل پاکستان کے وژن کی تکمیل میں اہم سنگِ میل عبور کرتے ہوئے “ٹی اے ایف – اے بی ایل پبلک سیکٹر ڈیجیٹل ٹرانسفارمیشن ایوارڈز 2026” میں 3 نمایاں ایوارڈز اپنے نام کر لیے ہیں۔ نادرا کو ‘پاک آئی ڈی’ (Pak ID) موبائل ایپ پر “سٹیزن ایکسپیرینس آف دی ایئر” کا ایوارڈ ملا، جبکہ پاکستان آن لائن ویزا سسٹم (POVS) پر “ایکسیلینس اِن ڈیجیٹل ٹرانسفارمیشن” ایوارڈ سے نوازا گیا۔ اس کے علاوہ نادرا ٹیکنالوجیز کو ‘ای سہولت’ پر “فن ٹیک سلوشن آف دی ایئر” ایوارڈ دیا گیا۔ ٹیک ایڈوائزری فورم اور الائیڈ بینک لمیٹڈ کی جانب سے منعقدہ اس پہلے پبلک سیکٹر ایوارڈز کی تقریب میں وفاقی وزیرِ برائے آئی ٹی و ٹیلی کمیونیکیشن شزہ فاطمہ خواجہ نے ایوارڈز تقسیم کیے۔