امریکی کانگریس کے وفد کی فیلڈ مارشل سے ملاقات، دفاعی، تجارتی تعاون بڑھانے پر اتفاق

امریکی ایوانِ نمائندگان کے ارکان ریان کیتھ زنکے اور مائیکل جیمز نے جنرل ہیڈکوارٹرز (جی ایچ کیو) کا دورہ کیا، جہاں انہوں نے چیف آف آرمی سٹاف جنرل سید عاصم منیر سے اہم ملاقات کی۔ پاک فوج کے شعبہ تعلقاتِ عامہ (آئی ایس پی آر) کے مطابق ملاقات میں علاقائی سلامتی، دوطرفہ دفاعی و اقتصادی تعاون، اور نجی شعبے کی شراکت داری پر تفصیلی تبادلۂ خیال کیا گیا۔ آرمی چیف نے پاکستان کی اقتصادی صلاحیتوں کو اجاگر کرتے ہوئے کہا کہ ملک میں پائیدار ترقی، تجارت کے فروغ اور غیر ملکی سرمایہ کاری کے لیے جامع ساختی اصلاحات نافذ کی جا رہی ہیں۔ امریکی وفد نے علاقائی استحکام اور معاشی مضبوطی میں پاکستان کے کردار کو سراہتے ہوئے دوطرفہ تجارتی و ادارہ جاتی روابط کو مزید فروغ دینے کے مشترکہ عزم کا اعادہ کیا۔