معروف یوٹیوبر ڈکی بھائی نے رہائی کے بعد قوم سے معافی مانگ لی

ڈکی بھائی نے اپنے یوٹیوب چینل پر ایک ویڈیو میں کہا کہ اگر کوئی یہ سمجھے کہ ان کا مقصد ویڈیو کے ذریعے اپنے خلاف درج ایف آئی آر کو جواز دینا ہے تو وہ اس کیلئے معذرت خواہ ہیں۔

انہوں نے مزید وضاحت دی کہ اگر ان کے کانٹینٹ سے کسی پر منفی اثر پڑا ہو تو وہ اس کیلئے پوری قوم سے معافی مانگتے ہیں۔یوٹیوبر نے کہا کہ ان کی ہمیشہ کوشش رہی ہے کہ وہ لوگوں کو تفریح فراہم کریں اور کچھ نیا پیش کرتے رہیں، اگر کسی طرح سے ان کے مواد یا پروموشنز سے منفی اثر پڑا ہو تو وہ اس کیلئے بھی معافی چاہتے ہیں۔انہوں نے عدالت کے ساتھ مکمل تعاون کا عندیہ دیتے ہوئے کہا کہ وہ عدالتی معاملات کو قانونی طور پر آخر تک دیکھیں گے اور جو بھی فیصلہ جج صاحب کریں گے وہ اسے قبول کریں گے۔ڈکی بھائی نے ویڈیو میں اپنی اور اپنی فیملی کی ساڑھے تین ماہ کی صورتحال بیان کی، اور بتایا کہ 16 اگست 2025 کو جب میں سو کر اٹھتا ہوں تو میں بڑا خوش ہوتا ہوں کیونکہ ہم نے اپنے گھر میں دعوت کا اہتمام کیا ہوتا ہے اور سب مہمان آئے ہوتے ہیں دعوت کے بعد جب مہمان چلے جاتے ہیں تو ایک غیر ملکی ایونٹ میں شرکت کیلئے ہم پیکنگ میں لگ جاتے ہیں۔انہوں نے کہا کہ پیکنگ کے بعد جب ہم گھر سے نکلتے ہیں تو میرے وہم و گمان میں بھی نہیں ہوتا کہ میرے ساتھ کیا ہونے والا ہے اور یہی سے میرا برا وقت شروع ہوتا ہے۔واضح رہے کہ ڈکی بھائی کو 17 اگست کو جوا ایپس کے ذریعے منی لانڈرنگ کے الزام میں لاہور ایئرپورٹ سے بیرون ملک جاتے ہوئے گرفتار کیا گیا تھا،