سعودی امریکا جوہری معاہدہ اسرائیل کی سلامتی کے لیے خطرہ بن سکتا ہے، نفتالی بینٹ

اسرائیل کے سابق وزیرِاعظم نفتالی بینٹ نے خبردار کیا ہے کہ امریکا اور سعودی عرب کے درمیان مجوزہ سول جوہری معاہدہ اسرائیل کی قومی سلامتی کے لیے شدید خطرہ بن سکتا ہے۔ غیر ملکی خبررساں ادارے کے مطابق اس معاہدے کے تحت سعودی عرب کو امریکی ٹیکنالوجی سے پرامن مقاصد کے لیے جوہری ری ایکٹرز کی تعمیر اور یورینیئم افزودگی کی اجازت دیے جانے کا امکان ہے، جس پر اسرائیل میں مشرقِ وسطیٰ میں جوہری ہتھیاروں کی نئی دوڑ کے خدشات پیدا ہو گئے ہیں۔ نفتالی بینٹ کا کہنا تھا کہ اسرائیل کو اعتماد میں لیے بغیر یہ پیشرفت ایک سنگین اسٹریٹجک ناکامی ہے جو خطے میں خطرناک عدم استحکام کا سبب بنے گی۔ سابق اسرائیلی وزیرِ دفاع ایویگڈور لیبرمین نے بھی خدشہ ظاہر کیا کہ اس سے سعودی عرب کی ایٹمی ہتھیاروں تک رسائی ممکن ہو سکتی ہے، لہٰذا اسرائیل کو امریکی کانگریس پر دباؤ ڈال کر اسے رکوانا چاہیے۔ اگرچہ وزیراعظم بنیامین نیتن یاہو کی حکومت نے اس معاملے پر خاموشی اختیار کر رکھی ہے، تاہم ناقدین اسے اسرائیل کے سلامتی مفادات کے خلاف قرار دے رہے ہیں۔ واضح رہے کہ صدر ڈونلڈ ٹرمپ کی پہلی انتظامیہ اور سابق صدر جو بائیڈن کے ادوار میں بھی اس معاہدے کی کوششیں کی جاتی رہی ہیں