پٹرولیم مصنوعات کی قیمتوں میں مسلسل چوتھے روز اضافہ

عوامی جیبوں پر ایک اور بوجھ ڈالتے ہوئے حکومت نے پیٹرولیم مصنوعات کی قیمتوں میں مزید اضافے کا نوٹیفکیشن جاری کر دیا ہے। پیٹرولیم ڈویژن کے مطابق، آئل اینڈ گیس ریگولیٹری اتھارٹی (اوگرا) کی سفارشات پر پیٹرول کی قیمت میں 4 روپے 40 پیسے فی لٹر اضافہ کیا گیا ہے، جس کے بعد پیٹرول کی نئی قیمت 331.52 روپے فی لٹر مقرر کی گئی ہے।

اسی طرح ہائی سپیڈ ڈیزل (HSD) کی قیمت میں 3 روپے 62 پیسے فی لٹر کا اضافہ ریکارڈ کیا گیا ہے، جس کے بعد ڈیزل کی نئی قیمت 378.66 روپے فی لٹر ہو گئی ہے۔ پیٹرولیم ڈویژن کے مطابق روزانہ کی بنیاد پر قیمتوں کے تعین کے نئے نظام کے تحت یہ نرخ اگلی 24 گھنٹوں (آج رات 12 بجے سے کل رات 12 بجے) کے لیے نافذ العمل رہیں گے۔ واضح رہے کہ اس سے ایک روز قبل بھی حکومت نے پیٹرول میں 6 روپے 39 پیسے اور ڈیزل میں 7 روپے 83 پیسے فی لٹر کا بڑا اضافہ کیا تھا۔