ٹرمپ نے ایران پر اب تک کے سب سے بڑے حملے پر غور شروع کر دیا، ایگزیوس

امریکی نیوز ویب سائٹ ‘ایگزیوس’ (Axios) نے دعویٰ کیا ہے کہ امریکی صدر ڈونلڈ ٹرمپ نے ایران کے خلاف اب تک کے سب سے شدید اور بڑے عسکری حملے پر غور شروع کر دیا ہے۔ ایک انٹرویو کے دوران صدر ٹرمپ نے تصدیق کی کہ وہ تہران پر ایک ہمہ گیر حملہ کرنے کے حتمی فیصلے کے انتہائی قریب پہنچ چکے ہیں۔

ٹرمپ نے خبردار کیا کہ “ایران پر ایسا حملہ کیا جائے گا جو ماضی کے تمام حملوں سے کہیں زیادہ شدید اور تباہ کن ہوگا، تاہم اس فیصلے کے نتائج بھی مرتب ہوں گے۔  انہوں نے کہا کہ “اگر میں کہوں تو اسرائیل صرف دو منٹ میں اس جنگ کا حصہ بن جائے گا، لیکن ہمیں ایران کے خلاف نیا ملٹری آپریشن شروع کرنے کے لیے کسی دوسرے ملک کی ضرورت نہیں ہے۔”  صدر ٹرمپ نے دعویٰ کیا کہ امریکی کارروائیوں سے ایران کو اب تک کافی نقصان پہنچا ہے اور اگرچہ ایرانی حکام مذاکرات چاہتے ہیں، لیکن وہ فی الحال کسی حتمی معاہدے کے لیے تیار دکھائی نہیں دیتے۔