افغان طالبان رجیم کے زیر تسلط افغانستان ناکام ریاست، بھارتی تھنک ٹینک بھی بول اٹھ

ابزرور ریسرچ فاؤنڈیشن (ORF) نے اپنی تازہ رپورٹ میں طالبان رجیم کے تحت افغانستان میں تیزی سے بگڑتی ہوئی انسانی صورتحال اور خطے میں بڑھتے ہوئے سکیورٹی خدشات پر شدید تشویش کا اظہار کیا ہے۔

تھنک ٹینک کے مطابق مارچ 2026 میں امریکی وزیر خارجہ مارکو روبیو نے افغانستان کو غیر قانونی حراستوں کی سرپرستی کرنے والا ملک قرار دیا تھا، جبکہ دسمبر 2025 میں آسٹریلیا نے طالبان کے تین وزراء اور سپریم کورٹ کے چیف جسٹس پر سخت سفری اور مالی پابندیاں عائد کی تھیں۔ رپورٹ میں نشاندہی کی گئی ہے کہ طالبان کے اقتدار سنبھالنے کے بعد سے ملک میں انسانی حقوق بالخصوص خواتین کی تعلیم پر پابندی، اقلیتوں اور سابق حکومتی اہلکاروں پر حملوں میں اضافہ ہوا ہے۔

رپورٹ کے مطابق افغانستان کے سالانہ بجٹ اور اخراجات کا نظام انتہائی غیر شفاف ہے، جہاں دیگر اہم شعبوں کا فنڈز بھی اسلحے کی خریداری کے لیے مختص کیا جا رہا ہے۔ اس کے علاوہ القاعدہ سمیت دیگر کالعدم تنظیموں کی موجودگی خطے کے لیے مسلسل خطرہ بنی ہوئی ہے۔ سابق امریکی سفارت کار اور ماہرِ امورِ افغانستان ینی فورزہائمر نے بھی مؤقف اختیار کیا ہے کہ انسانی حقوق اور میڈیا کی خلاف ورزیوں کے ساتھ ساتھ طالبان کی جانب سے دہشت گرد گروہوں کو پناہ دینا ایک انتہائی سنگین مسئلہ ہے، جو ملک کو مزید تباہی کی جانب دھکیل رہا ہے۔