ملک کی ٹیلی کام کمپنیوں کی موبائل کالز اور ڈیٹا پیکجز کی قیمتوں میں اضافہ

پاکستان میں مختلف ٹیلی کام کمپنیوں نے موبائل کال اور ڈیٹا پیکجز کی قیمتوں میں اضافہ کر دیا ہے، جس کے بعد پاکستان ٹیلی کمیونیکیشن اتھارٹی (PTA) نے 15 ہائبرڈ اور ڈیٹا اونلی پیکجز کی نئی ٹیرف شیٹس جاری کر دی ہیں۔ پی ٹی اے کے مطابق بعض موبائل پیکجز کی قیمتوں میں 33 فیصد تک اضافہ دیکھا گیا ہے، جس میں ماہانہ پیکجز 500 روپے، 15 روزہ پیکجز 300 روپے، ہفتہ وار پیکجز 130 روپے اور روزانہ کے پیکجز 5 روپے تک مہنگے ہوئے ہیں۔ ترجمان پی ٹی اے کے مطابق صارفین کی سہولت، شفافیت اور پیکجز کے تقابلی جائزے کے لیے کنزیومر اویئرنیس سیکشن پر تمام کمپنیوں کی نئی قیمتیں اور سہولیات کی تفصیلات جاری کر دی گئی ہیں۔