نعت خواں و ماضی کے مقبول گلوکار جنید جمشید کی 9ویں برسی آج منائی جا رہی ہے

جنید جمشید کی آواز جتنی نرم اور میٹھی تھی شخصیت بھی ویسی ہی تھی، انہوں نے جو بھی کلام پڑھا وہ سننے والوں کے دل میں اتر گیا، 3 ستمبر 1964ء کو کراچی میں آنکھ کھولنے والے جنید جمشید نے انجینئرنگ کی تعلیم حاصل کی اور بطور پاپ گلوکار اپنے کیرئیر کا آغاز کیا۔

پہلے ہی البم کی ریلیز نے جنید جمشید کو شہرت کی بلندیوں تک پہنچا دیا، ان کا گیت دل دل پاکستان بے حد مقبول ہوا، سال 2004ء میں جب جنید جمشید شہرت کی بلندیوں پر تھے تو انہوں نے گلوکاری کو خیر باد کہہ دیا اور دین کی تبلیغ میں مصروف ہو گئے۔

جنید جمشید نے نعتیہ کلام پڑھ کر لوگوں کےدل جیت لیے، 2005ء میں جنید جمشید نے اپنی خوبصورت آواز میں پہلا نعتیہ البم ریلیز کیا جسے بہت پذیرائی ملی، شوبز ہو یا دین کا راستہ، جنید جمشید نے عزت، دولت، شہرت سب کمایا، گلوکاری چھوڑ کر مبلغ بنے تو لوگوں کو دین کی دعوت دی۔

سال 2014ء میں جنید جمشید کو حکومت پاکستان کی جانب سے تمغہ امتیاز دیا گیا، 7 دسمبر 2016ء کو جنید جمشید فضائی حادثے میں جاں بحق ہو گئے تھے