ایران سے کشیدگی، امریکا کے پٹرولیم ذخائر 4 دہائیوں کی کم ترین سطح پر پہنچ گئے

ایران کے ساتھ بڑھتی ہوئی کشیدگی کے باعث امریکا میں خام تیل کے ذخائر تیزی سے کم ہو کر 45 سال کی کم ترین سطح پر پہنچ گئے ہیں۔ بینک آف امریکا کے چارٹ کے مطابق ملک میں صرف 43 دن کی تیل کی سپلائی باقی رہ گئی ہے، جو جولائی 1983 کے بعد سب سے کم سطح ہے اور اسے امریکی توانائی سیکیورٹی کے لیے ایک تشویشناک اشارہ سمجھا جا رہا ہے۔

امریکی انرجی انفارمیشن ایڈمنسٹریشن کے اعداد و شمار کے مطابق کمرشل اور اسٹریٹیجک ذخائر شدید دباؤ کا شکار ہیں۔ 10 جولائی تک کمرشل خام تیل کے ذخائر 409.7 ملین بیرل ریکارڈ کیے گئے جو 5 سالہ اوسط سے 6 فیصد کم ہیں، جبکہ اسٹریٹیجک پٹرولیم ریزرو گھٹ کر 316.5 ملین بیرل رہ گیا ہے۔ امریکا کے مجموعی کل ذخائر 730.8 ملین بیرل پر آ چکے ہیں، جو کہ گزشتہ چار دہائیوں کی کم ترین سطح ہے۔