مصنوعی ذہانت جدت کیساتھ گورننس کے نئے چیلنجز بھی لارہی ہے: چینی صدر

چین کے صدر شی جن پنگ نے عالمی برادری پر زور دیا ہے کہ وہ مصنوعی ذہانت (AI) کی ٹیکنالوجیز میں غیر معمولی جدت کے ساتھ ابھرنے والے گورننس کے نئے چیلنجز سے نمٹنے کے لیے مشترکہ حکمتِ عملی اختیار کرے۔ عالمی میڈیا کے مطابق، 2026 ورلڈ اے آئی کانفرنس اور گلوبل آئی آئی گورننس کے اعلیٰ سطح کے اجلاس کی افتتاحی تقریب سے خطاب کرتے ہوئے چینی صدر نے کہا کہ دنیا اس وقت اے آئی کے عظیم مواقع کے ساتھ ساتھ سنگین سیکیورٹی اور اخلاقی چیلنجز کے دور میں داخل ہو چکی ہے۔ انہوں نے بنیادی سوالات اٹھائے کہ انسان سوچنے کی صلاحیت رکھنے والی مشینوں کے ساتھ کس طرح ہم آہنگی سے رہ سکتا ہے اور الگورتھمز کے ذریعے فیصلوں کے دوران سلامتی کو کیسے یقینی بنایا جا سکتا ہے۔ شی جن پنگ نے مزید کہا کہ نئی ٹیکنالوجیز کے اخلاقی چیلنجز سے مؤثر حکمرانی کے ذریعے نمٹنا اور بڑھتے ہوئے ڈیجیٹل فرق کے باوجود مصنوعی ذہانت کے فوائد کو پوری انسانیت تک پہنچانا ایسے بنیادی امور ہیں جن پر عالمی برادری کو سنجیدگی سے غور کرتے ہوئے مؤثر حل تلاش کرنا ہوں گے۔