میٹا نے جذبات کی پیمائش کرنے والی نئی اے آئی ڈیوائس کا پیٹنٹ دائر کر دیا

فیس بک اور انسٹاگرام کی بانی معروف ٹیکنالوجی کمپنی ‘میٹا’ نے ایک ایسی جدید ترین آرٹیفیشل انٹیلیجنس (AI) ڈیوائس کا پیٹنٹ دائر کیا ہے جو صارف کی ہنسی، آہ بھرنے، بولنے کے انداز اور دیگر زبانی و غیر زبانی اشاروں کا باریک بینی سے تجزیہ کر کے اس کی حقیقی جذباتی کیفیت کا اندازہ لگا سکے گی۔ امریکی پیٹنٹ اینڈ ٹریڈ مارک آفس میں دائر کی گئی اس دستاویز کے مطابق، مشین لرننگ ماڈلز پر مبنی یہ ٹیکنالوجی صارف کے مقام اور اس کے رویوں کو مانیٹر کرے گی اور بعد ازاں صارف کو اس کی ذاتی ‘جذباتی پیمائش’ (Emotional Metric) دکھائے گی تاکہ وہ اپنی ذہنی و نفسیاتی صورتحال کو بہتر طور پر سمجھ سکے۔ پیٹنٹ میں مثال دی گئی ہے کہ اگر کوئی صارف گھر بیٹھے ویڈیو کال کے دوران مایوس، اداس یا بے دلی سے گفتگو کر رہا ہوگا تو یہ اے آئی ڈیوائس اس کے اندازِ گفتگو اور چہرے کے تاثرات سے فوری طور پر اس کی ذہنی کیفیت کو شناخت کر لے گی۔ ماہرینِ ٹیکنالوجی اس ایجاد کو فیوچر ٹیک اور انسانی نفسیات کے ملاپ میں ایک بڑا مائل اسٹون قرار دے رہے ہیں، تاہم اس سے صارفین کی پرائیویسی سے متعلق نئے خدشات بھی جنم لے سکتے ہیں۔