ایف بی آر میں 323 ارب روپے سے زائد کی ٹیکس بے ضابطگیوں کا انکشاف
Web Desk
11 July 2026
ڈائریکٹوریٹ جنرل آڈٹ ان لینڈ ریونیو اور کسٹمز کی جانب سے مالی سال 25-2024 کے لیے جاری کی گئی سالانہ آڈٹ رپورٹ میں وفاقی بورڈ آف ریونیو (FBR) کے اندر اربوں روپے کی ٹیکس بے ضابطگیوں، محصولات کی کم وصولی اور داخلی کنٹرول کے نظام کی سنگین خامیوں کی نشاندہی کی گئی ہے۔ آڈٹ رپورٹ کے مطابق، ان بے ضابطگیوں کے باعث مجموعی طور پر 323 ارب 34 کروڑ روپے کی ریکوری کی نشاندہی کی گئی تھی، تاہم جنوری سے دسمبر 2025 کے دوران ایف بی آر صرف 43 ارب روپے کی وصولی ہی ممکن بنا سکا۔ رپورٹ میں بتایا گیا ہے کہ ایف بی آر کی آمدن اور اخراجات کا رسک بیسڈ آڈٹ کیا گیا، جس میں انکم ٹیکس، سیلز ٹیکس، فیڈرل ایکسائز ڈیوٹی اور کسٹمز ڈیوٹی کا تفصیلی جائزہ لیا گیا، جس کے بعد یہ بات سامنے آئی کہ ادارہ جاتی کنٹرول کا نظام انتہائی کمزور اور غیر مؤثر ہے۔
رپورٹ کے مطابق انکم ٹیکس کے شعبے میں 19 فیلڈ دفاتر نے 527 کیسز میں 117 ارب 77 کروڑ روپے کا ’سپر ٹیکس‘ جبکہ 18 فیلڈ دفاتر نے 601 کیسز میں 15 ارب 29 کروڑ روپے کا ’کم از کم ٹیکس‘ وصول ہی نہیں کیا۔ اس کے علاوہ 16 فیلڈ دفاتر نے ناقابل قبول اخراجات کے دعوؤں کے باعث 276 کیسز میں 24 ارب روپے کا انکم ٹیکس کم وصول کیا۔ سیلز ٹیکس کے شعبے میں بلیک لسٹڈ ٹیکس دہندگان کے ان پٹ ٹیکس کریڈٹ کی نگرانی نہ ہونے کے باعث 159 کیسز میں 41 ارب 78 کروڑ روپے کی بے ضابطگیاں رپورٹ ہوئیں، جبکہ 20 فیلڈ دفاتر نے 870 کیسز میں 13 ارب 3 کروڑ روپے کا سیلز ٹیکس غائب کیا۔
کسٹمز ڈیوٹی کے شعبے میں بھی درآمدی اشیا کی غلط درجہ بندی اور کم قیمت ظاہر کیے جانے کے باعث 9 ہزار 831 کیسز میں 3 ارب 56 کروڑ روپے کے محصولات کم وصول ہوئے، جبکہ ڈیوٹی اور ٹیکس چھوٹ کے غلط استعمال اور ضبط شدہ سامان فروخت نہ ہونے سے قومی خزانے کو مزید اربوں کا نقصان پہنچا۔ آڈٹ رپورٹ میں سفارش کی گئی ہے کہ ایف بی آر اپنے داخلی کنٹرول کے نظام کو مؤثر بنائے، مستقل نگرانی کے لیے ٹیکس دہندگان کے پروفائل کو ریٹرن فائلنگ سسٹم سے منسلک کرے اور کم از کم ٹیکس و سپر ٹیکس کے درست تعین کے لیے رسک بیسڈ ڈیسک آڈٹ کا نفاذ کرے
متعلقہ عنوانات
ہم اعتراف کرنے پر بلاول بھٹو کے مشکور ہیں: ایم کیو ایم کا چیئرمین پی پی کے بیان پر ردعمل
17 November 2026
ایران نے ’’ڈرٹی بم‘‘ سے متعلق امریکی میڈیا کی رپورٹس مسترد کردیں
17 November 2026
امریکا کا ایران پر واشنگٹن میں ڈرٹی بم حملے کی منصوبہ بندی کا الزام
17 November 2026
کراچی کسی کے باپ کی جاگیر نہیں، ہر پاکستانی کو یہاں ترقی میں حصہ لینے کا حق ہے: فاروق ستار
17 November 2026
پرویز الہٰی سے پی ٹی آئی کے ارکان اسمبلی کی ملاقات، سیاسی صورتحال پر تبادلہ خیال
17 November 2026
جامشورو کے گاؤں میں گیسٹرو اور ڈائریا کی وبا پھیل گئی، درجنوں کیسز رپورٹ
17 November 2026
مکہ دفاعی معاہدے کو ادارہ جاتی شکل دینے کیلئے نومبر میں اہم اجلاس ہوگا، ہاکان فیدان
17 November 2026
گھریلو ملازمہ فاطمہ ہلاکت کیس، شیری رحمان کا ملزموں کو قرار واقعی سزا کا مطالبہ
17 November 2026