LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
پوتن، ٹرمپ اور شی جن پنگ کی ملاقات کا کچھ حصہ میڈیا کیلئے کھولا جاسکتا ہے، کریملن دبئی میں عالمی مائننگ شو اختتام پذیر، بین الاقوامی سرمایہ کاری اور نئی شراکت داریوں پر خصوصی توجہ عالمی پولیس سربراہی اجلاس اختتامی مرحلے میں داخل، اے آئی اور جدید پولیس ٹیکنالوجی مرکزِ نگاہ روس کے مفادات نظرانداز کرکے امن مذاکرات نہیں ہو سکتے، روسی وزارت خارجہ فلائی دبئی نے ریاض اور ابہا کیلئے پروازوں کی منسوخی میں 27 نومبر تک توسیع کر دی ہم اعتراف کرنے پر بلاول بھٹو کے مشکور ہیں: ایم کیو ایم کا چیئرمین پی پی کے بیان پر ردعمل ایران نے ’’ڈرٹی بم‘‘ سے متعلق امریکی میڈیا کی رپورٹس مسترد کردیں امریکا کا ایران پر واشنگٹن میں ڈرٹی بم حملے کی منصوبہ بندی کا الزام کراچی کسی کے باپ کی جاگیر نہیں، ہر پاکستانی کو یہاں ترقی میں حصہ لینے کا حق ہے: فاروق ستار پرویز الہٰی سے پی ٹی آئی کے ارکان اسمبلی کی ملاقات، سیاسی صورتحال پر تبادلہ خیال جامشورو کے گاؤں میں گیسٹرو اور ڈائریا کی وبا پھیل گئی، درجنوں کیسز رپورٹ مکہ دفاعی معاہدے کو ادارہ جاتی شکل دینے کیلئے نومبر میں اہم اجلاس ہوگا، ہاکان فیدان گھریلو ملازمہ فاطمہ ہلاکت کیس، شیری رحمان کا ملزموں کو قرار واقعی سزا کا مطالبہ عطا تارڑ طعنے نہ دیں، ہمت ہے تو کہیں پیپلزپارٹی کی ضرورت نہیں: شرجیل میمن میر رضا قتل کیس: جے آئی ٹی سربراہ کی اہل خانہ سے ملاقات، تفتیش میں پیشرفت سے آگاہ کیا

پاکستان حالیہ آئینی ترامیم نے عدلیہ کی آزادی کو شدید متاثر کیا، عالمی رپورٹ

Web Desk

8 July 2026

پیرس اور لاہور سے جاری کی جانے والی ایک نئی مشترکہ رپورٹ میں پاکستان کے عدالتی نظام کے تمام شعبوں اور سطحوں پر وسیع پیمانے پر پھیلی منظم بدعنوانی (کرپشن) کا سنسنی خیز انکشاف کیا گیا ہے، جس کے انسانی حقوق پر انتہائی سنگین اثرات مرتب ہو رہے ہیں۔ انٹرنیشنل فیڈریشن فار ہیومن رائٹس (FIDH) اور اس کی رکن تنظیم ہیومن رائٹس کمیشن آف پاکستان (HRCP) کی جانب سے ’انڈر دی بینچ: پاکستان کے عدالتی نظام میں بدعنوانی کے خطرات کا جائزہ‘ کے عنوان سے جاری 32 صفحات پر مشتمل اس رپورٹ میں واضح کیا گیا ہے کہ ملک کی عدالتوں میں کرپشن اس حد تک سرایت کر چکی ہے جس نے عدلیہ کی آزادی، اس کی افادیت، منصفانہ ٹرائل کے حقوق اور بنیادی آزادیوں کے تحفظ کی صلاحیت کو مفلوج کر دیا ہے۔ رپورٹ کے مطابق، شواہد اشارہ کرتے ہیں کہ یہ عدالتی کرپشن اب انفرادی سطح سے نکل کر ایک منظم شکل اختیار کر چکی ہے، جو ‘گرانڈ کرپشن’ کے زمرے میں آتی ہے۔ FIDH کی سیکرٹری جنرل شاہندہ اسماعیل کا کہنا ہے کہ عدلیہ میں کرپشن کوئی بے ضرر جرم نہیں ہے، بلکہ اس نے خاص طور پر معاشرے کے کمزور طبقات اور اقلیتوں کے لیے منصفانہ ٹرائل کے حق کو شدید متاثر کیا ہے۔

وکلاء، صحافیوں، ججز اور سول سوسائٹی کے ارکان کے انٹرویوز پر مبنی اس رپورٹ میں بتایا گیا ہے کہ ناقص انتظامی ڈھانچے کی وجہ سے عدالتوں میں رشوت ستانی، اقربا پروری اور پسند ناپسند کا کلچر پروان چڑھ رہا ہے۔ رپورٹ میں خاص طور پر حالیہ 26 ویں اور 27 ویں آئینی ترامیم پر کڑی تنقید کرتے ہوئے کہا گیا ہے کہ ان اقدامات نے ججز کے تقرر اور برطرفی کے طریقہ کار کو تبدیل کر کے اعلیٰ عدلیہ کی رہی سہی آزادی کو بھی ختم کر دیا ہے اور عدلیہ پر ریاستی تسلط (اسٹیٹ کیپچر) کو قائم کیا ہے۔ مزید برآں، رپورٹ میں نشاندہی کی گئی ہے کہ عدالتی کرپشن کے براہِ راست اثرات غریب برادریوں کے حقوق کی پامالی، دورانِ حراست تشدد میں اضافے، سزائے موت کے اطلاق اور قانون کے شعبے میں صنفی عدم مساوات کی صورت میں سامنے آ رہے ہیں، جبکہ موجودہ انسدادِ کرپشن کے ادارے احتساب کرنے میں مکمل ناکام رہے ہیں۔ HRCP کے سیکرٹری جنرل حارث خلیق نے زور دیا ہے کہ ججوں کی مراعات بڑھانے یا عدالتوں میں سی سی ٹی وی کیمرے لگانے سے کرپشن ختم نہیں ہوگی، بلکہ اس کے لیے عدلیہ کی آزادی کو مکمل بحال کرنا ہوگا اور غلط فیصلوں کا باعث بننے والے بنیادی محرکات کو جڑ سے اکھاڑنا ہوگا۔ رپورٹ کے آخر میں شفافیت کو یقینی بنانے اور وسل بلورز (حقائق سامنے لانے والوں) کو تحفظ دینے کے لیے اہم سفارشات بھی پیش کی گئی ہیں۔